Seguímosvos amosando todo o que fixemos para decorar a escola polo Samaín. Ademais do sombreiro e a vasoira de Harry Potter, tamén fixemos un mural que quedou ben bonito, non vos parece?
Ademais, as nenas e nenos do Quinto Pino de Centieiras fixeron cadansúa proposta para que a mestra se disfrazara este Samaín... Teñen unhas ideas ben simpáticas, non credes?
Se queredes ver as súas propostas de disfraces, están expostas no corredor da segunda planta, ao lado da nosa clase.
Por último, para dar un toque terrorífico ao cole, recortamos unha chea de corvos negros e pegámolos nas ventás da clase e nas das escaleiras do segundo piso. Atrevédesvos a subir?
