Bo día!
Aquí seguimos coas vosas deliciosas receitas! Esta vez da man de Xavi, que nos envía a súa receita de torta de queixo. Non sei por que será, pero este blog ultimamente estame a dar fame, a vós tamén vos pasa?
Torta de queixo
Ingredientes:
- tres cuartos litros de leite.
- canela ao gusto.
- 225 gr de azucre.
- pel de laranxa ao gusto.
- 7 ovos.
- 9 queixiños.
- manteiga para untar o molde.
Preparación:
Nunha pota engadir o leite, a canela e a pel de laranxa.
Batir os ovos, o azucre e os queixiños.
Despois, quitade as peles da laranxa da primeira mestura e engadídea á segunda mestura. Remexede ben.
Ao final poñédeo todo nun recipiente e metédeo no forno a 180º e 25 minutos. Cando remate, deixádeo no forno uns minutos...
... e listo!
* Que boa pinta ten esa torta, Xavi! E vese que tés boa man coa cociña!
Ao final ides rematar este confinamento feitos uns grandes reposteiros. Ademais, seguro que así lles estades alegrando o día a día ás vosas familias, preparándolles cousas tan ricas.
Eu aquí sigo esperando máis receitas, veña, animádevos a cociñar!
Isa
Ningún comentario:
Publicar un comentario